Monthly Archives

March 2007

Staða aðgengismála á Norðurlöndum

By | Fréttir

Nýlega gáfu Félagsbústaðir hf. út skýrslu eftir Þórarinn Magnússon, verkfræðing og forstöðumann Framkvæmdadeildar Félagsbústaða, um aðgengismál á Norðurlöndum. Skýrslan hefur verið rúmlega eitt ár í smíðum og var mikil vinna lögð í að hún yrði sem vönduðust í alla staði. Tilgangur útgáfunnar er í senn að fræðast um og miðla upplýsingum um aðgengismál sem og að vinna þá undirbúningsvinnu sem þörf er á fyrir stefnumótun og framkvæmdir í þessum málaflokki.

Hægt er að nálgast skýrsluna hér.

Grænt bókhald 2005

By | Fréttir

Út er komin umhverfisskýrsla Félagsbústaða fyrir árið 2005 – grænt bókhald. Þetta er í annað sinn sem slík skýrsla kemur út, en fyrsta skýrslan var fyrir árið 2004.

Ákveðið hefur verið að grænt bókhald verði fastur þáttur í starfsemi Félagsbústaða og að umhverfisskýrslan verði gefin út árlega. Félagsbústaðir eru ekki starfsleyfisskylt fyrirtæki og því í raun ekki skyldugir til að gera grænt bókhald, en markmið félagsins hefur ávallt verið metnaðarfullt að því leyti að stefna að því að vera fremstir í flokki í hverju sem það tekur sér fyrir hendur.

Enn fremur telur félagið það sína siðferðislegu skyldu sem stærsti leigusali landsins að leggja sitt lóð á vogarskálarnar í umhverfismálum og að vera til fyrirmyndar í þeim málaflokki til heilla komandi kynslóðum.

Skýrsluna er hægt að nálgast hér.