Þóra til Félagsbústaða

By April 4, 2020 Fréttir

Þóra Þorgeirsdóttir hefur verið ráðin sviðsstjóri þjónustu- og samskiptasviðs hjá Félagsbústöðum. Þóra starfaði frá 2018 hjá Maskínu rannsóknum sem viðskiptastjóri í vinnustaðagreiningum og mannauðsráðgjöf.  Hún hefur kennt vinnusálfræði og þjónandi forystu   við Háskólann á Bifröst, fyrst stundakennslu og síðan sem lektor frá 2019.

Þóra útskrifaðist með doktorsgráðu í stjórnun árið 2017 frá School of Management við Háskólann í Cranfield í Bretlandi.  Þóra lauk mastersgráðu í stefnumiðaðri stjórnun við Háskóla Íslands (HÍ) árið 2012 og B.A gráðu í frönsku með viðskiptafræði sem aukagrein við HÍ árið 2002.

Sigrún Árnadóttir framkvæmdastjóri Félagsbústaða:

„Hjá Félagsbústöðum starfar öflugur og metnaðarfullur hópur fólks með fjölbreyttan bakgrunn.  Við erum afskaplega ánægð með að hafa fengið sterkan leiðtoga til að stýra þjónustu- og samskiptasviði Félagsbústaða og til að leiða breyttar áherslur í þjónustu við leigjendur“