Í öllum hverfum borgarinnar eru félagslegar leiguíbúðir sem ætlaðar eru fjölskyldum og einstaklingum undir tilteknum eigna- og tekjumörkum, auk leiguíbúða fyrir aldraða og fólk með fötlun.
Nú geta allir leigjendur Félagsbústaða skráð sig á fljótlegan og einfaldan hátt inn á þjónustugáttina Mínar síður. Þar er hægt að nálgast upplýsingar um leigusamninga, séð leigureikninga og sent inn viðhaldsbeiðnir.
Svör við algengustu spurningum sem okkur berast
Spurt og svarað
Sendu okkur póst og við svörum eins fljótt og við getum
Hafðu samband
Umsækjandi sem uppfyllir skilyrði sækir um hjá miðstöð í sínu hverfi.
Umsækjanda er úthlutað íbúð samkvæmt faglegu mati úthlutunarteymis.
Umsækjandi skoðar íbúðina og ákveður hvort hann þiggur hana.
Umsækjandi skrifar undir leigusaming á skrifstofu Félagsbústaða í Þönglabakka 4 og fær lykla afhenta.
Við söfnum persónuupplýsingum frá þér og í vissum tilvikum eru persónuupplýsingar fengnar með sjálfvirkum hætti, t.d. við notkun heimasíðu okkar. Félagsbústaðir vinna fyrst og fremst með persónuupplýsingar sem veittar eru frá velferðarsviði Reykjavíkurborgar, sem sér um úthlutun félagslegra leiguíbúða Félagsbústaða. Félagsbústaðir kunna einnig að fá upplýsingar frá öðrum aðilum, s.s. lögmönnum, lögreglu, heilbrigðisstofnunum og einstaklingum.
Félagsbústaðir leggja áherslu á að vinna einungis þær persónuupplýsingar sem nauðsynlegar eru í samræmi við þann tilgang sem liggur að baki söfnun upplýsinganna. Ólíkum persónuupplýsingum kann að vera safnað eftir því hvort þú ert sjálf/-ur í samskiptum við félagið eða hvort samskiptin eru fyrir hönd lögaðila. Vinnsla persónuupplýsinga fer samkvæmt framangreindu eftir eðlis þess sambands sem þú átt við Félagsbústaði.
Félagsbústaðir vinna, eins og við á hverju sinni, einkum eftirfarandi persónuupplýsingar:
Félagsbústaðir vinna persónuupplýsingar sem flokkast sem viðkvæmar persónuupplýsingar samkvæmt persónuverndarlögunum, s.s. félagsleg- og heilsufarsleg málefni einstaklinga.
Félagsbústaðir vinna persónuupplýsingar einkum í þeim tilgangi að:
Þegar þú notar heimasíðuna okkar kunnum við að safna upplýsingum um notkun þína, þ.e. frá hvaða vef er komið ásamt gerð vafra og stýrikerfis sem þú notar, tímasetningu og tímalengd heimsóknar og hvaða undirsíður þú heimsækir innan heimasíðu Félagsbústaða. Hér má finna frekari upplýsingar um notkun okkar á vafrakökum.
Vinsamlega láttu okkur vita símleiðis eða í tölvupósti um andlát eins fljótt og mögulegt er og hvenær megi eiga von á því að íbúðinni verði skilað.
Leiga er innheimt þar til lyklum hefur verið skilað á skrifstofu Félagsbústaða.
Formleg skil eiga sér stað á skrifstofunni okkar þar sem þú fyllir út skilablað með helstu upplýsingum, undirritar og afhendir lyklana að íbúðinni. Mikilvægt er að íbúðin sé tæmd alveg og þrifin áður en henni er skilað, annars geta aðstandendur átt von á því að krafa verði gerð í dánarbúið um kostnað sem hlýst af tæmingu og þrifum. Sjá nánari upplýsingar um frágang við skil íbúða hér.
Leiguverð hjá Félagsbústöðum er vísitölutryggt. Það þýðir að leiga hækkar eða lækkar í samræmi við breytingar á vísitölu neysluverðs.
Hagstofa Íslands reiknar út vísitölu neysluverðs samkvæmt alþjóðlegum stöðlum. Hún er algengur mælikvarði á verðbólgu og breytingu á útgjöldum heimilanna í landinu.
Lyklagjald að upphæð 15.000 kr er innheimt ef ekki er skilað a.m.k. einum lykli að öllum hurðum þ.e. inngangshurð, sameign, geymslu, póstkassa og ruslageymslu (ef við á).
Hér getur þú nálgast sorphirðudagatal Reykjavíkurborgar eftir hverfum. Í því koma fram upplýsingar bæði um almennt sorp og endurvinnslutunnur.
Félagsbústaðir vinna persónuupplýsingar byggt á eftirfarandi almennum heimildum samkvæmt persónuverndarlögum:
Öryggi í vinnslu persónuupplýsinga er Félagsbústöðum mikilvægt og höfum við gripið til viðeigandi tæknilegra og skipulagslegra öryggisráðstafana til að tryggja vernd persónuupplýsinga þinna í takt við stefnu okkar um öryggi, þ.m.t. með viðeigandi aðgangsstýringum.
Komi upp öryggisbrestur sem varðar þínar persónuupplýsingar, og teljist slíkur brestur hafa í för með sér mikla áhættu fyrir frelsi og réttindi þín, munum við tilkynna þér um það án ótilhlýðilegrar tafar. Í þessum skilningi telst öryggisbrestur atburður sem leiðir til þess að persónuupplýsingar þínar glatist eða eyðist, þær breytist, séu birtar eða óviðkomandi fái aðgang að þeim í leyfisleysi.
Félagsbústaðir miðla einungis persónuupplýsingum til þriðju aðila þar sem slíkt er skylt samkvæmt lögum eða ef um er að ræða þjónustuveitanda sem ráðinn er af hálfu Félagsbústaða til þess að vinna fyrirfram ákveðna vinnu. Sem dæmi má nefna aðila sem sjá um upplýsingatækni- og fjarskiptaþjónustu. Í vissum tilvikum geta slíkir aðilar talist vera vinnsluaðilar og gera Félagsbústaðir þá vinnslusamning við viðkomandi aðila í samræmi við kröfur persónuverndarlaga.
Félagsbústaðir gætu einnig deilt persónuupplýsingum með þriðju aðilum þegar slíkt er nauðsynlegt til að vernda brýna hagsmuni félagsins, eins og við innheimtu á vanskilakröfu.
Ef til þess kemur að vinnsluaðili vinni, þ.m.t. hýsi, gögn fyrir utan Evrópska efnahagssvæðisins (EES svæðið), þá gæta Félagsbústaðir að því að lögmætur grundvöllur sé til staðar samkvæmt persónuverndarlögum.
Félagsbústaðir benda þér á að þegar þú ferð inn á eða hefur samband við okkur í gegnum samfélagsmiðlasíður okkar, þá gæti verið að veitendur samfélagmiðlaþjónustunnar fái aðgang að upplýsingum og hvetjum við þig til að kynna þér vel persónuverndaryfirlýsingar þeirra.
Miðlægt teymi hjá Velferðarsviði Reykjavíkurborgar ákveður hverjir fá úthlutað í íbúðir Félagsbústaða. Sjá nánar hér.
Ef þrifum er ábótavant er þrifagjald samkvæmt reikningi innheimt eftir skil íbúðar.
Með fyrirvara um þau skilyrði sem nánar er fjallað um persónuverndarlögum, átt þú rétt á að:
Viljir þú nýta rétt þinn getur þú sent skriflega beiðni á personuvernd@felagsbustadir.is. Við munum staðfesta móttöku á beiðninni og að jafnaði bregðast við innan mánaðar frá móttöku beiðni. Verði ekki unnt að bregðast við innan mánaðar munum við tilkynna þér um töf á afgreiðslu innan mánaðar. Ekki er innheimt gjald þegar einstaklingar nýta rétt sinn í samræmi við ofangreint, nema í þeim tilvikum sem beiðni telst óhófleg eða augljóslega tilefnislaus.
Þú hefur einnig rétt til að leggja fram kvörtun hjá Persónuvernd sjáir þú ástæðu til þess. Upplýsingar um Persónuvernd má finna á heimasíðu þeirra, www.personuvernd.is.
Félagsbústaðir geyma persónuupplýsingar eins lengi og þörf krefur samkvæmt þeim lögum og reglum sem við eiga í starfsemi félagsins, eða eins lengi og lögmætir hagsmunir félagsins krefjast og málefnaleg ástæða gefur tilefni til. Sem dæmi er myndefni úr öryggismyndavélum varðveitt í að hámarki 30 daga, að þeim tímaliðnum er myndefninu sjálfkrafa eytt nema nauðsyn krefji til að varðveita það til að geta stofnað, haft uppi og eftir atvikum varið réttarkröfur, einkum í dómsmáli.
Félagið hefur afhendingarskyldu á grundvelli laga nr. 77/2014 um opinber skjalasöfn. Það þýðir að félaginu er óheimilt að ónýta eða farga nokkru skjali sem fellur undir gildissvið laganna, nema með lagaheimild eða sérstakri heimild þjóðskjalavarðar. Gögnum er skilað til Borgarskjalasafns að ákveðnum tíma liðnum samkvæmt reglum þar um.
Nei, þú þarft ekki að leggja fram leigutryggingu þegar þú skrifar undir leigusamning hjá Félagsbústöðum.
Rafræn vöktun fer fram með öryggismyndavélum í og við ýmis íbúðarhúsnæði Félagsbústaða fyrir félagslegar leiguíbúðir í öryggis- og eignarvörsluskyni. Þeir einstaklingar sem heimsækja vöktuð íbúðarhúsnæði kunna því að vera teknir upp á mynd. Vinnsla á upplýsingum sem safnast með myndeftirliti byggir á lögmætum hagsmunum Félagsbústaða. Heimild til þessa er í 6. tl. 1. mgr. 9. gr. persónuverndarlaga.
Persónuupplýsingar sem verða til við notkun öryggismyndavéla verða einungis notaðar ef upp koma atvik er varða eignavörslu eða öryggi einstaklinga, s.s. þjófnaður, skemmdaverk eða slys. Þær má ekki afrita eða afhenda öðrum aðila, nema á grundvelli lagaheimildar, samþykki skráðra aðila eða samkvæmt ákvörðun Persónuverndar hverju sinni. Persónugreinanlegar myndupptökur eru því almennt ekki afhentar öðrum en lögreglu og þá ef um slys eða meintan refsiverðan verknað er að ræða. Þá kann myndupptökum jafnframt að vera miðlað í þeim tilgangi að Félagsbústaðir geti stofnað, haft uppi og eftir atvikum varið réttarkröfur. Í þeim tilvikum sem unnið er með myndefni í þeim tilgangi er, eins og nauðsyn krefur, heimilt að veita stjórnendum, lögmönnum og tryggingarfélagi Félagsbústaða og gagnaðila, auk dómstóla, aðgang að myndefninu.
Myndefni sem verður til við notkun öryggismyndavéla eyðist sjálfkrafa eftir að hámarki 30 daga nema nauðsyn krefji til að varðveita það til að geta stofnað, haft uppi og eftir atvikum varið réttarkröfur, einkum í dómsmáli, að því gefnu að lög heimili eða dómsúrskurður eða fyrirmæli þar til bærs stjórnvalds liggi fyrir.
Já, þú þarft að velja þér raforkusala. Félagsbústaðir tilkynna þig sem nýjan notanda af rafmagni í íbúð við undirritun leigusamnings. Þú þarft svo að velja þér söluaðila rafmagns innan 30 daga. Sé það ekki gert loka Veitur fyrir rafmagnið með tilheyrandi óþægindum. Slíkt gerist þó ekki án alls fyrirvara.
Nei, þú þarft þess ekki. Félagsbústaðir eru undanskyldir þinglýsingum. Þú getur sótt um húsnæðisbætur hjá Húsnæðis- og mannvirkjastofnun án þess að hafa þinglýstan leigusamning þegar þú leigir hjá Félagsbústöðum.
Þú sækir um milliflutning hjá viðeigandi miðstöð. Öllum spurningum um milliflutninga og um biðtíma fyrir flutningi í aðra íbúð skal beina til Velferðarsviðs Reykjavíkurborgar eða í miðstöðina þína.
Hafi milliflutningur verið samþykktur og þú fengið úthlutað annarri íbúð tekur við sambærilegt ferli og þú fórst í gegnum þegar þú fékkst fyrst úthlutað íbúð. Þú skalt hringja í okkur og fá tíma í að skoða nýju íbúðina þína. Ef þú ert samþykk/ur nýju íbúðinni færðu bókaðan tíma í undirritun leigusamnings. Við milliflutning er mikilvægt að breyta lögheimili hið fyrsta sem og endurnýja umsóknir um húsnæðisbætur og sérstakan húsnæðisstuðning í samræmi við nýtt heimilisfang.
Um milliflutninga gilda gjöld. Gjöldin samanstanda annarsvegar af 30.000 króna einskiptisgjaldi og hinsvegar daggjaldi sem reiknast fyrir hvern dag sem þú ert enn með fyrri íbúð eftir að hafa undirritað samning um nýja íbúð.
Ef þú ert í forsvari fyrir húsfélag þar sem Félagsbústaðir á íbúð og framkvæmdir eru fyrirhugaðar skaltu senda okkur póst. Oftast nær fylgjum við meirihluta þegar kemur að samþykki fyrir endurbótum og framkvæmdum á sameign. Ef húsfélag stendur fyrir endurbótum og framkvæmdum við hverja íbúð fyrir sig skal þó senda okkur upplýsingar um verklýsingu og kostnað í tölvupósti áður en framkvæmdir hefjast. Í framhaldi af því sendum við svar til baka.
Allar upplýsingar um fyrirhugaðar framkvæmdir og fundarboð vegna húsfunda óskast sendar í tölvupósti.
Já, í flestum tilvikum hafa leigjendur okkar rétt á húsnæðisbótum. Nánari upplýsingar um húsnæðisbætur og umsóknir eru á vef Húsnæðis- og mannvirkjastofnunar
Húsnæðisbætur greiðast til Félagsbústaða og koma til frádráttar á leigu einstaklinga. Það sama á við um sérstakan húsnæðisstuðning á vegum Velferðarsviðs Reykjavíkurborgar.
Einstaklingar, sem skráðir eru einstæðir og búa einir geta átt rétt á heimilisuppbót. Styrkurinn greiðist til einstaklinga. Sjá nánar hér.
Þjónusturáðgjafar Félagsbústaða annast gerð húsaleigusamninga.
Ef þú ert búin/n að skoða íbúðina sem þú fékkst úthlutað getur þú bókað tíma í leigusamning í síma 520-1500 eða í tölvupósti. Skrifstofan er opin 10-15 mánudaga til fimmtudaga og 10-14 á föstudögum, en lokað í hádeginu á milli 12:00-12:30.
Ef þú ætlar að flytja annað skaltu láta okkur vita með tölvupósti. Við munum leiðbeina þér með næstu skref og með það hvenær þú þarft að skila íbúðinni. Mundu að þú þarft alltaf að vera búin/n að tæma íbúðina, þrífa hana vel og tilkynna flutning til Veitna áður en þú skilar lyklum að henni. Sjá betri upplýsingar hér.
Ef þú býrð í húsi þar sem um er að ræða húsreglnabrot viljum við heyra af því. Sendu okkur tölvupóst og við skráum málið niður og bregðumst við eftir því sem við á. Við viljum alltaf vita meira frekar en minna.
Ef leigjandi eða aðili honum tengdur hefur valdið skemmdum þá ber hann ábyrgð og gæti þurft að greiða viðgerðarkostnað. Skemmdir af völdum utanaðkomandi þátta, s.s. veðurs, náttúruhamfara eða ótengdra aðila eru á ábyrgð og kostnað Félagsbústaða.
Félagsbústaðir sjá um umhirðu lóða og þrif í sameignum í fjölbýlishúsum sem eru að fullu í eigu okkar. Í fjölbýlishúsum þar sem Félagsbústaðir eiga stakar íbúðir sjá viðkomandi húsfélög að öllu jöfnu um umhirðu lóða og sameigna.
Ef íbúð fylgir einkagarður ber leigjandi sjálfur ábyrgð á almennri lóðaumhirðu, þ.e. að slá gras, hreinsa beð og klippa tré svo garðurinn sé snyrtilegur. Einnig getur leigjandi þurft að annast annarskonar sameignarskyldur, eins og þrif á sameiginlegum rýmum og umsjón með sorpgeymslum en þetta er háð samþykktum hvers húsfélags fyrir sig. Ef þessu er ekki sinnt áskilja Félagsbústaðir sér rétt til að láta framkvæma slíkt á kostnað leigjanda.
Framleiga íbúða Félagsbústaða til ferðamanna eða annarra aðila, til lengri eða skemmri tíma, að hluta til eða í heild, er með öllu óheimil samkvæmt ákvæðum leigusamninga og ákvæðum húsaleigulaga. Slík framleiga samræmist heldur ekki tilgangi hinnar félagslegu aðstoðar sem liggur að baki öllum leigusamningum Félagsbústaða. Búast má við tafarlausri riftun samninga við broti á þessu banni.
Íbúðir eru að jafnaði málaðar á átta til tíu ára fresti frá því að leigjendur flytja inn nema að aðrar ástæður komi til, s.s. skemmdir, staðbundnar aðstæður og fleira. Ef þú telur kominn tíma til að mála þína íbúð skaltu hafa samband við Félagsbústaði.
Almennt séð er ekki heimilt að gera neinar breytingar á íbúðum nema með leyfi Félagsbústaða. Að sjálfsögðu er þó í lagi að hengja upp myndir og aðra létta hluti á veggi.
Við fjölbýlishús sem eru í fullri eigu félagsins eru stæði almennt ekki merkt íbúðum.
Þar sem Félagsbústaðir eiga stakar íbúðir er því fyrirkomulagi fylgt sem er viðhaft á hverjum stað fyrir sig eftir ákvörðun þess húsfélags.
Félagsbústaðir reyna að tryggja nægjanlegt framboð á P-stæðum miðað við fjölda leigjenda með P-skírteini og einnig gestkomandi.
Sérmerking á P-stæði er háð mati Velferðarsviðs á sérþörf P-skírteinishafa og skal sækja formlega um slíkt til félagsráðgjafa eða viðkomandi miðstöðvar.
Nei. Ef þú telur þig hafa brýna þörf eða rétt á aðstoð af fjárhagslegum eða öðrum ástæðum þá skaltu tala við félagsráðgjafann þinn.
Motus sér um að innheimta leigu sem komin er í vanskil fyrir Félagsbústaði.
Ef þú greiðir ekki á eindaga er send innheimtuviðvörun 7 dögum frá eindaga húsaleigu. Þá bætist einnig við kostnaður kr. 944.-.
Ef húsaleiga er enn ógreidd 30 dögum eftir eindaga fer leigukrafa í milliinnheimtu til Motus. Þar er greiðanda gefinn 7 daga frestur til þess að ganga frá greiðslu eða samkomulagi. Sé ekki brugðist við innheimtuviðvörun getur útburðarferli tekið við ásamt auknum innheimtukostnaði. Nánari upplýsingar má nálgast á greiðendavef Motus, Ekki gera ekki neitt. Í Motus er eftir fremsta megni komist til móts við greiðendur og fundnar lausnir sem stuðla að farsælli áframhaldandi búsetu.
Hafðu samband við okkur í tölvupósti og við skoðum málið með þér.
Félagsbústaðir heimila almennt dýrahald í íbúðum félagsins að uppfylltum skilyrðum. Aðeins er heimilt að vera með eitt dýr í íbúðum Félagsbústaða. Þá skal tekið fram að í sumum húsum eða íbúðum Félagsbústaða kann dýrahald að vera óheimilt, til dæmis vegna sérstakra aðstæðna, reglna eða takmarkana sem eiga við um viðkomandi húsnæði.
Hunda- og kattahald í fjöleignarhúsum er ekki háð samþykki annarra eigenda eða nágranna. Eigandi eða íbúi sem hyggst halda hund eða kött þarf því almennt ekki að afla undirskrifta eða samþykkis íbúa í stigagangi áður en dýr kemur á heimilið.
Þrátt fyrir það gilda áfram reglur um ábyrgt dýrahald. Húsfélagi er heimilt að setja nánari reglur um hunda- og/eða kattahald á húsfundi, enda séu þær eðlilegar, málefnalegar og á jafnræði reistar. Slíkar reglur mega þó ekki ganga svo langt að þær útiloki hunda- eða kattahald með öllu.
Ef hundur eða köttur veldur íbúum fjöleignarhúss verulegum ama, ónæði eða truflun, og eigandi dýrsins bregst ekki við áminningum húsfélags, getur húsfélagið gripið til úrræða samkvæmt lögum. Í slíkum tilvikum getur húsfélag, með samþykki 2/3 hluta eigenda, bæði miðað við fjölda og eignarhluta, bannað viðkomandi hunda- eða kattahald og gert eiganda að fjarlægja dýrið úr húsinu.
Gæludýr skal skrá hjá Reykjavíkurborg, eftir því sem við á, í samræmi við reglur borgarinnar um skráningu hunda og katta. Leigjandi ber ábyrgð á að ganga frá slíkri skráningu og uppfylla þær kröfur sem Reykjavíkurborg gerir til dýrahalds.
Sjá nánar reglur um dýrahald
Við brot á húsreglum fær leigjandi skriflega aðvörun. Brjóti leigjandi húsreglur ítrekað getur það leitt til afturköllunar stjórnvaldsákvörðunar og riftunar húsaleigusamnings þar sem krafist er að íbúðin verði rýmd innan tiltekins frests. Ef leigjandi fer ekki sjálfviljugur úr húsnæðinu eftir riftun þarf dómsúrskurð og milligöngu sýslumanns til að rýma húsnæðið.
Þar sem Félagsbústaðir eiga stakar íbúðir taka húsgjöld mið af ákvörðunum aðalfunda hvers húsfélags fyrir sig. En í húsum alfarið í eigu Félagsbústaða taka húsgjöld mið af kostnaði liðins árs.
Það er misjafnt milli fjölbýlishúsa hvað er innifalið í hússjóðsgjöldum. Það sem er oftast innifalið í hússjóðsgjöldum er hiti, rafmagn, umhirða lóðar t.d. garðsláttur, snjómokstur, sorphirða og endurvinnsla. Stundum eru aðkeypt þrif inní hússjóð en annars skipta íbúar með sér þrifum sameignar.
Hafir þú áhyggjur af ástandi íbúðarinnar sem þú leigir hvetjum við þig til þess að hafa samband við þjónustuborð í gegnum tölvupóst og bóka tíma í úttekt.
Við úttekt kemur starfsmaður eigna- og viðhaldssviðs í heimsókn til þín og metur viðhaldsþörf íbúðarinnar.
Leiguverð íbúða Félagsbústaða er vísitölutengt og því getur leiguverð breyst smávægilega á milli mánaða.
Ef mikil breyting var á upphæð leigureiknings getur orsökin verið breytt upphæð húsnæðisbóta frá Húsnæðis- og Mannvirkjastofnun eða sérstaks húsnæðisstuðnings frá Reykjavíkurborg.
Við bendum á að sundurliðaður greiðsluseðill birtist í heimabankanum þínum eða á mínum síðum.
Aðvaranir eru sendar leigjendum í kjölfar alvarlegra brota á húsreglum. Þegar við sendum aðvörun erum við í sambandi við félagsráðgjafa og/eða aðra stuðningsaðila sem koma að máli viðkomandi leigjanda og leggjum alltaf áherslu á að veita leigjanda tækifæri til að bæta hegðun sína. Við ítrekuð og alvarleg brot á húsreglum getur komið til afturköllunar á stjórnvaldsákvörðunar, riftunar húsaleigusamnings og að óskað eftir að íbúðin verði rýmd innan tiltekins frests. Í einhverjum tilvikum getur komið til útburðar.
Hafir þú fengið aðvörun skaltu fara vel yfir efni hennar og taka tillit til þess sem þar kemur fram. Endilega hafðu samband ef eitthvað er óljóst.
Félagsbústaðir innheimta þjónustugjöld vegna þjónustuíbúða fyrir hönd Reykjavíkurborgar.
Innifalið í þjónustugjöldum er sólarhringsvakt, öryggiskerfi, stjórnunar- og skrifstofuhald auk ræstingar á sameign og aðstöðu í setustofu.
Sjá gjaldskrá hér.
Greiðslugjald eða seðilgjald er kr. 200 gjald sem greitt er vegna bankakostnaðar við stofnun reikninga í heimabanka.
Sé íbúðin í húsi sem Félagsbústaðir eiga að fullu biðjum við þig að hafa samband við okkur.
Eigi Félagsbústaðir húsið ekki að fullu, þ.e. ef um staka íbúð er að ræða, fer leigjandi sjálfur til lásasmiðs og óskar eftir smíðum á lyklum.
Leigjendur bera sjálfir kostnað vegna aukalykla.
Umgengni í sameignum fjölbýlishúsa er sameiginleg ábyrgð íbúa. Í húsreglum segir að ekki skuli skilja eftir drasl í sameign, t.d. á stigaganginum. Það er mikilvægt að íbúar hjálpist að við að leiðbeina hvort öðru og vinna saman að því að halda sameign snyrtilegri. Hafi umleitanir íbúa ekki skilað árangri og sé umgengni mjög slæm biðjum við þig að tilkynna það til okkar í tölvupósti.
Þú mátt mæta á húsfund í húsinu þínu en athugaðu að þú hefur ekki atkvæðisrétt líkt og aðrir íbúar og eigendur íbúða í húsinu.
Nei, almennt er gluggaþvottur ekki innifalinn í hússjóði en Félagsbústaðir láta reglulega þrífa glugga í húsum sem eru í heildareigu Félagsbústaða.
Ef hefðbundnar leiðir við stíflulosun hafa ekki dugað til bendum við þér á að hafa samband við okkur og við skoðum málið með þér. Við vekjum þó athygli á því að flestar klósettstíflur eru notkunartengdar og gæti því kostnaður fyrir stíflulosun lent á þér.
Já, Blokkin er félag leigjenda hjá Félagsbústöðum. Nánari upplýsingar má finna á Facebooksíðunni þeirra.
Við svörum öllum erindum og setjum þau til afgreiðslu inn 24 klukkustunda eða næsta virka dag. Úrvinnslutími erinda getur verið mismunandi eftir eðli þeirra, t.d. eftir eðli viðgerðarbeiðna eða eftir því hversu flókinn samskiptavandinn er í húsinu sem þú býrð í. Þú getur treyst því að við vinnum málið eins fljótt og auðið er og munum upplýsa þig um stöðu mála eftir því sem við á.
Þú sem leigjandi þarft að tryggja þitt innbú sjálf/ur, kjósir þú að gera slíkt. Félagsbústaðir eru ekki bótaskyldir vegna hvers konar skemmda á innbúi. Fasteignin sem slík er tryggð af Félagsbústöðum skv. lögum þar að lútandi.
Börn leigutaka sem búsett eru hjá honum og ná 18 ára aldri eftir úthlutun húsnæðisins, er heimilt að vera áfram búsett hjá leigutaka eftir að 18 ára aldri er náð.
Hér getur þú sent inn ábendingu til Innri endurskoðunar ef þú hefur orðið var/vör við hugsanlegt misferli sem snýr að starfsemi Félagsbústaða.
Sameiginleg bílastæði við fjölbýlishús í eigu Félagsbústaða eru eingöngu ætluð fyrir nothæfa bíla. Séu númerslausir bílar, kerrur eða ferðavagnar geymdir á bílastæðum er Félagsbústöðum heimilt að láta fjarlægja þá á kostnað eiganda þeirra. Í slíkum tilvikum er tilkynning límd á rúðu bíls sem lagt er í leyfisleysi og eiganda gefið færi á að fjarlægja bílinn innan þess tíma sem gefinn er upp. Að öðrum kosti er bíllinn fjarlægður á kostnað eiganda. Vaka ehf. fjarlægir ökutækið og eigandi greiðir fyrir flutninginn samkvæmt verðskrá þegar hann leysir ökutækið út hjá Vöku.
Búir þú í húsi sem við eigum allar íbúðir í máttu láta okkur vita af númerslausum bílum á bílastæðum í síma 520-1500 eða í tölvupósti.
Ef þú býrð í stakri íbúð skaltu ræða við húsfélagið í húsinu sem þú býrð í.
Nei. Óskir þú eftir að flytjast í annað húsnæði í eigu Félagsbústaða, svokölluðum milliflutningi, þarft þú að hafa samband við ráðgjafa á miðstöðinni í hverfinu þínu og fylla þar út milliflutningsumsókn. Umsókn þín fer svo á biðlista að uppfylltum skilyrðum reglna Reykjavíkurborgar um félagslegt leiguhúsnæði. Leigjendur sem eru á biðlista eftir milliflutningi fá reglulega úthlutað í annað húsnæði en biðtími er háður ýmsum þáttum, t.d. þörfum og stöðu leigjanda, framboði húsnæðis o.fl.
Milliflutningsgjald er gjald sem reiknast við milliflutning milli íbúða. Milliflutningsgjald skiptist í einskiptisgjald, kr. 30.000, sem bætist við fyrsta mánuð í leigu og er lagt á við undirritun leigusamnings og daggjald, kr. 3.000, fyrir hvern dag sem leigjandi er með fyrri íbúð þar til henni er skilað. Daggjald reiknast frá öðrum degi, sem þýðir að undirriti leigjandi samning um nýja íbúð á mánudegi getur leigjandi skilað íbúð á þriðjudegi án daggjalds en skili hann á miðvikudegi reiknast daggjald upp á kr. 3.000 og heildar milliflutningsgjald verður því kr. 33.000. Leigjendur eiga þess kost að dreifa gjaldinu á allt að sex mánuði.
Einskiptisgjaldið er staðlaður hluti milliflutningsgjalds og er ætlað að mæta þeirri umsýslu og framkvæmd sem fylgir milliflutningi leigjanda milli íbúða, svo sem gerð nýs leigusamnings, afgreiðslu flutnings, skráningum og annarri stjórnsýslu sem tengist milliflutningnum. Gjaldið er ekki reiknað út frá kostnaði í hverju einstöku tilviki heldur lagt á samkvæmt gildandi gjaldskrá.
Já, hér finnur þú vefsíðu Leigjendaaðstoðarinnar sem rekin er af Neytendasamtökunum samkvæmt samningi við félagsmálaráðuneytið. Margvíslegan fróðleik er að finna á vefsíðunni og hvetjum við leigjendur til að kynna sér hana.
Fjölgun íbúða á tímabilinu 2019-2023.
Fengu úthlutað íbúð á árinu 2024.
Hlutfall íbúða Félagsbústaða í Reykjavík.
Hlutfall leigjenda sem eru ánægðir með að leigja hjá Félagsbústöðum í apríl 2024.
