Nýverið var undirritaður verksamningur milli Félagsbústaða og Afltaks hf. um byggingu þriggja hæða fjölbýlishúss að Nauthólsvegi 83D ásamt frágangi á lóð. Undirbúningur við framkævmdir eru þegar hafnar og er áætlað að byggingu hússins verði lokið í september 2026.
Húsið sem áætlað er að verði um 780 m2 að stærð rís á lóð Háskólans í Reykjavík en um það var gert sérstakt samkomulagi milli Reykjavíkurborgar og HR. Í húsinu verða sjö íbúðir sérstaklega hannaðar með þarfir fatlaðs fólks í huga auk aðstöðu fyrir starfsfólk sem sinnir ýmis konar þjónustu við íbúana.
Verkið var boðið út í samræmi við innkaupareglur Félagsbústaða. Alls bárust 7 tilboð í bygginuna og var tilboði lægstbjóðenda, Alftaks, tekið. Þess má geta að Afltak sá einnig um byggingarframkvæmdir við sambærilegt hús á Vesturgötu sem opnað var fyrir um einu og hálfu ári síðan.
Kanon arkitektar, Þórður Steingrímsson, hönnuðu húsið og hafa hannað fleiri byggingar á lóð HR. Fallegt skógi vaxið umhverfi hússins og hönnun þess mun án efa stuðla að aukinni velsæld þeirra sem þar munu búa sér heimili.
Svanþór Gunnarsson hjá Verkfræðistofnan Víðsjá mun sjá um byggingarstjórn og byggingaeftirlit.
Hönnun og skipulag hússins tekur mið af séstökum þörfum fatlaðs fólks og er liður í uppbyggingaráætlun Reykjavíkurborgar í húsnæðismálum fatlaðra.
Við undirritun verksamnings um 7 íbúðafjölbýlishús við Nauthólsveg.
Nöfnin frá vinstri til hægri. Svannþór Gunnarsson, Guðbjartur Geir Grétarsson, Hafsteinn Helgi Grétarsson, Jónas Bjarni Árnason, Kristín Ýr Pálmarsdóttir, Sigrún Árnadóttir og Sigurður Halldór Örnólfsson.
Húsið mun rísa á skógi vöxnum og skjólsælum stað við Öskjuhlíðina.
Nöfnin frá vinstri til hægri. Guðbjartur Geir Grétarsson, Jónas Bjarni Árnason, Sigurður Halldór Örnólfsson, Sigrún Árnadóttir, Kristín Ýr Pálmarsdóttir og Hafsteinn Helgi Grétarsson.
