Já, þú þarft að velja þér raforkusala. Félagsbústaðir tilkynna þig sem nýjan notanda af rafmagni í íbúð við undirritun leigusamnings. Þú þarft svo að velja þér söluaðila rafmagns innan 30 daga. Sé það ekki gert loka Veitur fyrir rafmagnið með tilheyrandi óþægindum. Slíkt gerist þó ekki án alls fyrirvara.
Raforkusala telst til samkeppnisvöru og hægt að velja á milli átta aðila. Inni á vefsíðu Aurbjargar getur þú borið saman kostnað á milli þessara aðila auk þess að fá svör við algengum spurningum. Athugið að dreifing rafmagns er í höndum sérleyfisaðila á borð við Veitur.