Stefna borgaryfirvalda um að 5% íbúða í borginni séu félagslegar leiguíbúðir er liður í því að mæta grundvallarmannréttindum um húsnæði á viðráðanlegu verði og stuðla að betri efnahag, heilsu og auknum tækifærum einstaklinga til samfélagslegrar þátttöku.
Á tímabilinu 2018-2022 er gert ráð fyrir að fjölga íbúðum um 600, þar af 100 fyrir fatlað fólk. Félagsbústaðir kaupa íbúðir í öllum hverfum borgarinnar og er áhersla lögð á að hlutfallið af félagslegu leiguhúsnæði sé sem jafnast í hverfum borgarinnar og að jafnaði er við það miðað að Félagsbústaðir eigi ekki meira en 10% í fjölbýli þar sem eignarhald er dreift.
Fjölgun leiguíbúða Félagsbústaða og áætlanir um uppbyggingu taka mið af áherslum borgaryfirvalda á hverjum tíma, oftast í fjögurra ára tímabilum, þarfagreiningu velferðarsviðs borgarinnar og samþykktum stjórnar Félagsbústaða. Við kaup á íbúðum taka Félagsbústaðir mið af reglum Húsnæðis- og mannvirkjastofnunar um viðmiðunarstærðir við afgreiðslu umsókna um stofnframlög.
Við kaup á íbúðum er einnig horft til ástands íbúðar og viðhaldsþarfar sameignar, galla í byggingu, skipulags íbúðar, staðsetningu og nærþjónustu. Ekki eru keyptar íbúðir í kjallara og risi m.a. vegna aðgengis og viðhaldsmála. Alla jafna eru ekki keyptar íbúðir með aukaherbergjum í kjallara eða risi, með bílskúrum eða íbúðir á tveimur hæðum.
Uppbygging félagslegs leiguhúsnæðis Félagsbústaða, áherslur og áætlanir taka mið af áherslum borgaryfirvalda og stjórnar félagsins. Viðmiði um að 5% íbúða í borginni sé félagslegt leiguhúsnæði hefur verið náð. Stefnt er að því að framboð á félagslegu leiguhúsnæði aukist í hlutfalli við aukningu íbúða í borginni og fari ekki undir 5%.
Áhersla er lögð á að hlutfall félagslegs leiguhúsnæðis sé sem jafnast í hverfum borgarinnar en það ræðst þó einnig af framboði, verðlagi og fleiri þáttum. Stefna Félagsbústaða er að kaupa stakar íbúðir í fjölbýlishúsum en einnig byggir félagið lítil fjölbýlishús sem mæta sérhæfðum þörfum tiltekins hóps fatlaðs fólks.
Þann 31.12.2022 voru 3059 eignir í eigu og umsjá Félagsbústaða. Síðastliðinn 10 ár hefur
leiguíbúðum fjölgað um 821.
Við kaup á íbúðum er horft til fjölmargra þátta m.a. reglna Húsnæðis- og mannvirkjastofnunar um viðmiðunarstærðir, ástands, viðhaldsþarfar, skipulags, staðsetningar, aðgengis auk annarra atriða.
Á árunum 2023 til 2027 er áætlað að nýjum almennum
félagslegum leiguíbúðum fjölgi um 382 auk 125 íbúða fyrir fyrir fatlað fólk.
Mánudagar - fimmtudagar
09:00-15:00
Föstudagar
09:00-14:00
Lokað um helgar
