ÍBÚÐAFLOKKAR

Íbúðir í eigu Félagsbústaða skiptast í fjóra flokka.

Stærsti flokkurinn eru almennar íbúðir sem eru ætlaðar fyrir tekjulága einstaklinga og fjölskyldur sem þurfa á aðstoð að halda. Rétt rúmlega helmingur leigueininga Félagsbústaða eru stakar íbúðir, dreifðar um alla Reykjavík, aðrar leigueiningar eru í húsnæði sem er að fullu í eigu félagsins.

Húsnæði fyrir fatlað fólk er ætlað fólki sem þarfnast sértækrar aðstoðar vegna fötlunar sinnar. Íbúðirnar eru dreifðar um Reykjavík og samanstanda að mestu leiti af íbúðakjörnum með 5-6 leiguíbúðum, auk starfsmannaaðstöðu staðsettri í kjarnanum. Starfsmenn kjarnans þjónusta einnig íbúa í öðrum íbúðum félagsins í nágrenninu eftir því sem tilefni og ástæða er til.

Félagsbústaðir eiga og reka þjónustuíbúðir fyrir 67 ára og eldri í sex stórum kjörnum í Reykjavík. Þjónustuíbúðir eru ætlaðar einstaklingum þegar heilbrigðis- og félagsþjónusta í heimahús mætir ekki lengur þjónustuþörf eða þegar einstaklingar kjósa að búa ekki lengur á heimili sínu. Íbúar geta sótt félagsstarf í sínum kjarna og verið í fullu fæði, sé þess óskað. Heimaþjónusta er veitt inn í íbúðir eftir þörfum hvers og eins. Frekari upplýsingar um slíka þjónustu eru veittar í hverjum kjarna.

1. Dalbraut 23-27
2. Furugerði 1
3. Hjallasel 55 (Seljahlíð)
4. Lindargötu 57-66
5. Lönguhlíð 3
6. Norðurbrún 1

Húsnæði fyrir heimilislaust fólk með miklar og flóknar þjónustuþarfir eru stakar íbúðir, smáhýsi auk íbúðakjarna og herbergja í Reykjavík. Sérstakt stuðningsteymi á vegum Velferðarsviðs sér um að aðstoða og styðja þennan hóp í búsetu.