Bílastæði

Bílastæði við fjölbýlishús eru sameiginleg nema liggi fyrir þinglýsing þess efnis að tiltekin bílastæði fylgi ákveðnum íbúðum og eru þau þá merkt þannig. Ekki er hægt að skipta upp sameiginlegum bílastæðum nema allir eigendur samþykki það og þá gerðar þinglýstar breytingar á eignaskiptayfirlýsingu. Ef bílastæði eru sameiginleg er öllum eigendum heimilt að leggja í stæðin.

Ef eigandi íbúðar sem hefur heimild til afnota af sameiginlegu og óskiptu bílastæði óskar eftir því að þar verði komið upp hleðslubúnaði fyrir rafbíla er húsfélaginu, öðrum eigendum og stjórn þess skylt að verða við þeirri kröfu og framfylgja henni. Kostnaður sem  fylgir hleðslubúnaði fyrir rafbíla er sameiginlegur kostnaður allra þeirra eigenda sem hafa heimild til afnota af viðkomandi bílastæði, hvort sem bílastæðið verður áfram nýtt sem almennt bílastæði eða eingöngu til hleðslu rafbíla, að því marki sem um kostnað vegna sameignar er að ræða.

Óski íbúi eftir sérmerktu stæði vegna fötlunar eða skertrar hreyfigetu er hægt að sækja um það here og fer umsókn þá í ferli.