Eftirfarandi breytingar verða á opnunartíma skrifstofu Félagsbústaða og símatímum innheimtudeildar þann 1. maí næstkomandi.
Opnunartími skrifstofu verður framvegis á mánudögum frá 8-16 og þriðjudaga – föstudaga frá 9-15.
Símatími innheimtudeildar verður mánudaga, miðvikudaga og föstudaga frá 11-12. Alltaf er hægt að senda tölvupóst á innheimtudeildina í gegnum heimasíðuna felagsbustadir.is/hafa-samband/
Eindagi húsaleigu breytist einnig og verður framvegis 7. hvers mánaðar.
Innheimtuviðvörun er send út 14 dögum eftir eindaga ef greiðsla hefur ekki borist. Ef krafa er enn ógreidd eða ekki hefur verið samið um hana 28 dögum eftir eindaga þá er hún sett í innheimtuferli Mótus. Bendum á að allar upplýsingar um innheimtuferli má finna á heimasíðu Félagsbústaða.
Greiðsluseðlar verða framvegis aðgengilegir í netbanka viðskiptavina. Þeir leigjendur sem óska ekki eftir að fá greiðsluseðil í pósti geta sent tölvupóst á innheimta@felagsbustadir.is eða haft samband símleiðis sími: 520 1500.
Flestir leigjendur eru skilvísir og greiða leigu með beingreiðslum sem er besti greiðslumátinn og erum við þakklát fyrir það. Þessar breytingar munu því ekki að hafa mikil áhrif á þjónustu við leigjendur.
Bestu kveðjur,
F.h. Félagsbústaða hf.
Auðun Freyr Ingvarsson
Framkvæmdastjóri
