![](https://felagsbustadir.is/wp-content/uploads/2022/08/janfretti-er-akvodrun1-1024x683.jpg)
Félagsbústaðir tóku við viðurkenningu Jafnvægisvogarinnar á ráðstefnunni Jafnrétti er ákvörðun sem fram fór í Útvarpshúsinu 14. október síðastliðinn. Áður hafa Félagsbústaðir hlotið gullmerki Jafnvægisvogarinnar. Sú viðurkenning er veitt fyrirtækjum og stofnunum sem unnið hafa á framúrskarandi hátt að markmiðum Jafnvægisvogarinnar í rekstri sínum.
Jafnvægisvogin er samstarfsverkefni Félags kvenna í atvinnulífinu, forsætisráðuneytisins, Sjóvá, Deloitte og Pipar/TBWA. Verkefnið vekur fyrirtæki, stofnanir og sveitarfélög til umhugsunar um mikilvægi fjölbreytileika og jafnvægi með auknum jöfnuði kynja í stjórnunarstöðum.
Katrín Jakobsdóttir forsætisráðherra flutti ávarp en á meðal fyrirlesara voru Eliza Reid forsetafrú, Sunna Dóra Einarsdóttir, Rannveig Rist og Magnús Harðarson.
Myndirnar tók Silla Páls.
![](https://felagsbustadir.is/wp-content/uploads/2022/08/fka-vidurkenningar1-1024x501.jpg)