Ef íbúi í fjölbýlishúsi vill fá sér hund eða kött þarf að afla samþykkis hjá tveimur þriðja eigenda í húsinu. Ef þú býrð í húsi sem Félagsbústaðir eiga íbúð og ert að afla samþykkis fyrir dýri óskum við eftir því að þú aflir fyrst samþykkis hjá leigjanda okkar og við staðfestum svo samþykkið í framhaldinu.
Félagsbústaðir heimila almennt dýrahald í íbúðum félagsins að uppfylltum skilyrðum. Aðeins er heimilt að vera með eitt dýr í íbúðum Félagsbústaða. Þá skal tekið fram að í sumum húsum eða íbúðum Félagsbústaða kann dýrahald að vera óheimilt, til dæmis vegna sérstakra aðstæðna, reglna eða takmarkana sem eiga við um viðkomandi húsnæði.
Hunda- og kattahald í fjöleignarhúsum er ekki háð samþykki annarra eigenda eða nágranna. Eigandi eða íbúi sem hyggst halda hund eða kött þarf því almennt ekki að afla undirskrifta eða samþykkis íbúa í stigagangi áður en dýr kemur á heimilið.
Þrátt fyrir það gilda áfram reglur um ábyrgt dýrahald. Húsfélagi er heimilt að setja nánari reglur um hunda- og/eða kattahald á húsfundi, enda séu þær eðlilegar, málefnalegar og á jafnræði reistar. Slíkar reglur mega þó ekki ganga svo langt að þær útiloki hunda- eða kattahald með öllu.
Ef hundur eða köttur veldur íbúum fjöleignarhúss verulegum ama, ónæði eða truflun, og eigandi dýrsins bregst ekki við áminningum húsfélags, getur húsfélagið gripið til úrræða samkvæmt lögum. Í slíkum tilvikum getur húsfélag, með samþykki 2/3 hluta eigenda, bæði miðað við fjölda og eignarhluta, bannað viðkomandi hunda- eða kattahald og gert eiganda að fjarlægja dýrið úr húsinu.
Gæludýr skal skrá hjá Reykjavíkurborg, eftir því sem við á, í samræmi við reglur borgarinnar um skráningu hunda og katta. Leigjandi ber ábyrgð á að ganga frá slíkri skráningu og uppfylla þær kröfur sem Reykjavíkurborg gerir til dýrahalds.
Mikilvægt er að hundar og kettir séu ekki laus í sameign eða á sameiginlegri lóð. Hundar skulu ávallt vera í taumi og í umsjá einstaklings sem hefur fulla stjórn á þeim þegar farið er með þá að og frá íbúð. Lausaganga dýra í sameign eða á sameiginlegri lóð er óheimil.
Skilyrði fyrir hunda- og kattahaldi er að vel sé hugsað um dýrið og að tryggt sé að það valdi öðrum íbúum ekki ama, ónæði, óþægindum eða tjóni. Eigandi eða umráðamaður dýrs ber ábyrgð á dýrinu og umgengni þess.
Sjá nánar um reglur um gæludýrahald.
