Chat with us, powered by LiveChat

Stefnt að 30% minna kolefnisspori við byggingu íbúðakjarna fyrir fatlað fólk

Fréttir

Félagsbústaðir hefja í dag framkvæmdir við byggingu átta íbúða húss fyrir fatlað fólk við Háteigsveg 59. Húsið er hannað með þarfir íbúanna í huga og er gert ráð fyrir að þangað flytji ungt fólk sem fram til þessa hefur búið í foreldrahúsum. Félagsbústaðir, sem eru í eigu Reykjavíkurborgar, eru eitt stærsta leigufélag landsins með  tæplega 3100 félagslegar leiguíbúðir í höfuðborginni. 

Húsið er 565 m2  staðsteypt fjölbýlishús á þremur hæðum við Vatnshólinn og Stýrimannaskólann.

Framkvæmdin er þróunarverkefni og við upphaf hönnunar voru sett markmið um að lækka kolefnisfótspor um að lágmarki 30% miðað við sambærileg viðmiðunarhús. Notast er við greiningar eins og lífsferilsgreiningu (LCA)* og líftímakostnaðargreiningu (LCC)* og endurnýtingu byggingarefna til að ná því markmiði.  Allar útfærslur og efnisnotkun er hefðbundin en klæðning hússins verður úr endurnýttu timbri  og  unnið er með framleiðsluaðilum  steypu við lækkun kolefnisspors. Nú þegar húsið er fullhannað lítur út fyrir að hægt verði að lækka kolefnissporið enn frekar.

Arkitekt hússins er Arnhildur Pálmadóttur hjá s.ap arkitektum sem hefur sérhæft sig í sjálfbærri hönnun. Kristinn Þór Geirsson hjá Vinahús ehf. sér um framkvæmd byggingarinnar og byggingastjóri er Gísli Valdimarsson hjá VSB verkfræðistofu.

Félagsbústaðir hafa á undanförnum árum byggt eða keypt 17 nýja íbúðarkjarna fyrir fatlað fólk með langvarandi stuðningsþarfir víðs vegar um borgina sem eiga það sammerkt að vera byggðir með hliðsjón af áætlunum velferðarsviðs Reykjavíkurborgar. Þá hafa Félagsbústaðir jafnframt keypt fjölda íbúða fyrir fatlað fólk sem getur búið sjálfstætt með viðeigandi stuðningi á síðustu árum.

Heildarkostnaður við verkið er áætlaður liðlega 500 m.kr. Áætluð byggingarlok eru 1. september 2024.

Meðfylgjandi er mynd frá því fyrr í dag, þegar fyrstu skóflustungurnar að húsinu voru teknar.

Sambýlið við Hagasel 23
Fyrsta opinbera byggingin sem hlýtur Svaninn
Askur
Veglegur styrkur úr Aski mannvirkjasjóði
Opnun á íbúðaskjarna að Vesturgötu 67
Nýr og glæsilegur íbúðakjarni við Vesturgötu
mynd mneð frétt
Breytingar til jöfnunar leiguverðs íbúða Félagsbústaða
Skoflustunga-Brekknaas-1
Hannað með tilliti til þarfa væntanlegra íbúa hússins
image-1
Samningur um nýbyggingu við Brekknaás
merki-fjorflokkarnir
Breytingar á sorphirðu og flokkun
Picture1
Utanhússframkvæmdir að Barónsstíg 30 og Bergþórugötu 41-45, sumarið 2023

Að hverju ertu að leita?